عندك اى مشكلة نفسية وعايز حل

يا جماعة الموضوع ده عشان نحاول نحل المشاكل النفسية مع بعض .. أنا أختارت المشاكل النفسية خصوصا عشان هى من أكتر الحاجات اللى بتضايق الواحد جدا وفى ناس كتير جدا بتتحرج من أنها تقول على المرض أو المشكلة اللى عنده وكمان لقلة وسائل العلاج وأن طبعا الناس واخدة فكرة " عنده مرض نفسى يبقى مجنون طبعا " وده سبب خوف كتير من الناس من أنها تروح لدكتور نفسى أو حاجة زى كده
ده بالأضافة لأن أسعار الدكاترة النفسيين غالية جدا ده غير أن الأدوية اللى بيكتبوها كتير وبرده غالية بطريقة مش طبيعية



عشان كده يا جماعة أنا عامل الموضوع ده عشان أى حد عنده حاجة مضايقاه أو حتى حاسس أن عنده مشكلة ومكسوف يقولها لحد يقولها هنا .. ومين عارف يمكن تلاقى حد عنده نفس مشكلتك وتلاقى حلها عندنا أن شاء الله


وكمان فى حاجة مهمة أوى ياريت أن الأعضاء كمان يشاركوا فى محاولة أعطاء نصائح للأعضاء التانيين بمعنى أننا كلنا نساعد بعض ..


ملحوظة هامة جدا : أنا طبعا مش دكتور ولا واخد دكتوراة فى علم النفس برده
بس أنا الحمد لله بفهم كويس أوى فى المجال ده وقرأت عنه كتب كتير وعموما ديه حتبقى طريقة الأجابة عن الأسئلة :
1 ) لو مش عارف أقولك حل بصراحة كده حقولك "مش عارف "

2 ) مش حقولك بقى أنت عندك مثلا " Narcissistic " اللى هى " النرجسية " وهو مرض الغرور لاء أنا حقولك أنت عندك المرض الفلانى وحله ايه وايه اللى سببه من غير بقى أسماء علمية والكلام ده .

3 ) كل حاجة حقولها دى من وجهة نظرى الشخصية ولو مش عاجباك أو مش داخلة دماغك ولا كأنى قولت حاجة

4 ) أى عضو حاسس أن هو يعرف مثلا حل أو علاج لمشكلة عضو طرحها يرد عليه بس ياريت من غير تريقة أو مثلا الجمل المشهورة :
" أنت معندكش حاجة "
" أنت بتتخيل "
"الكلام اللى بتقوله ده فى الأفلام وبس "

5 ) ممنوع منعا باتا طلب الأجابة على الخاص عشان يستفيد كل الأعضاء .



فى النهاية أحب أن كل الأعضاء يشاركوا من غير أى أحراج وأحنا هنا كلنا أخوات وأنا أن شاء الله ححاول بقدر الأمكان المساعدة
أدعولى بقى

تسلم ايدك يا كيمو وربنا معاك
انا الحمد لله معنديش اى مشكله
بس لو ان شاء الله جت اى مشكله حطرحها عليكوا بدون تردد
انا بس حبيت اشكرك على الموضوع الجميل ده

انا يا كيمو عندى مشكلة ودى بجد اكبر مشكلة فى حياتى انى بئامن للناس بسهولة ودايما بيطلعوا مش يستاهلو على المثال واحدة صحبتى كنا فى الايام الاخيرة ما بنسبش بعض خالص تقريبا واول ما حصلت لها مشكلة ودتنى معاها فى ستين داهية وانا مش عارفة اخرج من المشكلةدى لحد دلوقتى فى ناس بتقولى سزاجة وناس بتقولى طيبة وانا شايفة انة غباء انت اية رايك انهى واحد من التلاتة ولا حاجة تانية خالص بليز ساعدونى نفسى اغير العادة الزفت دى ي رب ترد عليا بسرعة شكرا يا كيمو

بصى يا برنسيسه انا هقولك على الللى انا اقدر اقولك عليه واسيب برده كريم يرد عليكى


خلى مامتك هى تبقى صاحبتك الاولى ويا ريت متصاحبيش اى واحده بسهوله انك مثلاتسالى عن اخقها كويس وعن قاريبها واخوتها وكل حاجه ومتاخديش عليها اوى من اول لما تعرفيها ومتحكلهاش على حاجه الا لما تعرفى هى ممكن تقول الحاجه دى ولا لأ
وطبعا اهم حاجه فى البنت اخلقها العاليه لازم تاخدى بالك من النقطه دى علشان الصحاب بيطبعوا على بعض وبعدين وبعدين هى لو كانت مش كويسه الناس هيقولوا عليكى انتى كمان مش كويسه
وبجد لما تحكى لمامتك انتى حاجه احسن من ان اى حد يقولها ويوصلها الكلام بطريقه غلط
وبكده مامتك مش هتزعل على الحاجه الغلط دى اكتر من انك خبيتى عليها اكسبى صحبيتها احسن
انا عن نفسى بقول لماما عن كل حاجه علشان لو حد جه قال لماما حاجه تبقى عارفه وتقول بنتى مش بتخبى عنى حاجه وصحابى دول منقياهم على الفرازه زى ما بيقولوا وطبعا قبل ما اصاحبهم اوى سالت عن العيله الاخوات الاب الام كل حاجه ولو اكتشفلى ان اى واحده صاحبتى مش كويسه او اختها او اخوها مش كويس مش بترردد لاحظه انى ابعد عنها فورا تقبلى كلامى معلش طولت عليكى ..... واستنى ردود الباقيين وكريم طبعا

بصى يا برنسية طبعا انتى طيبة وشايقة كل الناس حلوة ومن كتر حبك فى الناس بقتى تصاحبى اى واحدة بسهولة ودا غلط لازم تعملها اختبار علشان تعرفى صاحبتك لو هى صاحبتك وعمرها ما عملت معاكى حاجة غلط ممكن تكون عندها ظروف خلتها تعمل كدا بس لازم تسمعى منها الاول وبعد كدا الكلام لو ما عجبكيش ابقى ابعدى عنها الدنيا هتشوفها فيها كتير اوى لس الحياة طويلة وابقى احكى لى اى حد فى البيت لو المشكلة دى هتجبلك مشاكل فى البيت

طبعا شكرا على الرد وواللة عندكمحق بس المصيبة الاكبر

ان انا معنديش حد اتكلم معاة غير صحابى وحبيبى وحبيبى انا قرفتة بمشاكلى فا مبقتش احب اتقل علية عشان ما يتخنقش منى اما عن امى واخواتى فا انا بعتبر نفسى وحيدة دا توضيح مش اكتر



وشكرا ليكم بجد